Policia ka vënë në pranga një 31 vjecar si shkaktar i aksidentit fatal të Levanit, ku humbi jetën Majlinda Troka, 27 vjece që ishte në muajin e 6 të shtatzanisë. Po kështu e plagosur rëndë është edhe vajza e saj 7 vjece.
Policia tha se ka arrestuar Edmond Asllanin 31 vej banues në Patos të Fierit. Duke drejtuar mjetin Benz në aksin Levan-Fier ai ka kryer parakalim të gabuar, për pasojë është përplasur me një Benz e më pas me Audin ku ndodhej dhe viktima.
Njoftimi i policisë
“Më datë 21.08.2018, u arrestua në flagrancë shtetasi Edmond Asllani, vjeç 31, banues në Patos, pasi në aksin rrugor Fier-Vlorë, duke drejtuar mjetin tip “Benz”, është përplasur me mjetin tip “Benz”, me drejtues shtetasin L.T., vjeç 32, banues në fshatin Sheq Musalalaj dhe me mjetin tip “Audi”, me drejtues shtetin A.T., vjeç 64, banues në fshatin Martin. Si pasojë ka humbur jetën pasagjerja në mjetin tip “Audi”, shtetasja M.T., vjeçe 27, banuese në fshatin Martin si edhe aktualisht ndodhen në spital shtetaset L.T., 7 vjeçe dhe K.T., vjeçe 41, banuese në fshatin Qarr, pasagjerë në mjetin “Audi” dhe drejtuesi i mjetit “Benz” shtetasi L.T., 32 vjeç dhe i mituri Xh.T, 1 vjeç. Neni 290/3 i Kodit Penal”,- thuhet në njoftimin e policisë.
Pamjet e aksidentit fatal
