Kryetari i Ballit Kombëtar, Adriatik Alimadhi, i cili ka marrë mandatin e deputetit ka thënë se për këtë vendim është konsultuar me kryesinë e partisë së tij. Në hyrje të Parlamentit, Alimadhi ka thënë gjithashtu se Lulzim Basha nuk ka zbatuar asnjë prej marrëveshjeve me aleatët, duke shtuar se mandati i përket Ballit Kombëtar.
“Të gjitha marrëveshjet PD nuk i ka zbatuar ndaj Ballit Kombëtar. Jam konsultuar me zotin Basha. Personalisht jam dispozicion të vendimit të Kryesisë së Partisë, që institucionet e këtij vend të funksionojnë. Mandati im është i Ballit Kombëtar. Ju falenderoj që pas 15 vjetësh media tregoi interesim për Ballin Kombëtar”, tha sot Alimadhi.
Adriatik Alimadhi është pjesë e listës së Partisë Demokratike në Vlorë. Gjithashtu mandatet i kanë marrë Arben Elezi nga lista e PD-së së Elbasanit dhe Amra Barova nga lista e LSI-së në Shkodër./Opinion.al
