Rreth 8 muaj më parë modelja e njohur, Chrissy Teigen, solli në jetë fëmijën e saj të dytë. Së fundmi ajo është shfaqur në kopertinën e ‘Good Housekeeping’. Chrissy ka treguar për herë të parë se si ka arritur të pranojë ndryshimet në trupin e saj pas lindjes.
Me besim në vete ka rrëfyer se ka shtuar 27 kilogramë në shtatzëni. Ajo shtoi që sa herë shikonte veten në pasqyrë mendonte si arriti deri aty. Megjithatë Chrissy ka thënë se tani po mësohet me ndryshimet në linjat e saj trupore.
“Kjo është diçka që unë mund ta ndryshoj brenda mendjes sime, se unë nuk duhet të jem më modele për rroba banje. Tani jam mama, gatuaj, po njoh njerëz të mrekullueshëm dhe jam shumë e lumtur që po kaloj në këtë tranzicion”, – ka thënë Teigen. Gjithashtu ajo ka treguar se vajza, Luna, ka ndikuar shumë në personalitetin e saj duke e ndryshuar tërësisht si njeri.
