Dy persona janë arrestuar nga Policia e Tiranës dhe një tjetër është shpallur në kërkim, pasi vodhën me dhunë një 18-vjeçar.
Policia informon se në pranga kanë rënë Arnold Arapaj dhe Agim Drishti, ndërsa në kërkim është shpallur R. A., 33 vjeç, banues në Tiranë.
Këta tre shtetas, në bashkëpunim me njëri-tjetrin, ditën e djeshme, në rrugën “Loni Ligori”, në Unazë të Re, i kanë vjedhur me dhunë varësen e floririt dhe celularin, një 18-vjeçari, si dhe e kanë marrë atë me forcë në automjetin e tyre, duke i hequr lirinë për disa orë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
