Ministria e Mjedisit prezantoi sot moratoriumin 10-vjeçar për pyjet, në një aktvitetet të mbajtur në Hotel Tirana ku i pranishëm ishte edhe Kryeministri Rama.
Ndërkohë që vendi ende po përballët me pasojat e përmbytjeve të pak ditëve më parë, edhe këtë fenomen, kryeministri Edi Rama e lidhi me dëmtimin pa kriter ndaj pyjeve përgjatë 25 viteve. “Përmbytjet janë fatura e papërballueshme e lakmisë së shumë kujt për të marrë atë që nuk i takon, për të ndërtuar aty ku nuk i takon dhe për të jetuar me çfarë nuk i takon,” tha ai.
Pas keqadministrimit që i është bërë për më shumë se dy dekada sektorit të pyjeve por jo vetëm, Kryeministri vlerëson moratoriumin si hapin e duhur drejt ndërtimit një realiteti të ri. “Shkatërrimi i pyjeve, shtretërve të lumenjve, shkatërrimi i gjithë infrastrukturës mbrojtëse, argjinaturave e kanaleve kulluese na ka sjellë vit pas vitit në buzë të një humnere që prej dy vjtesh kemi marrë masa për ta shmangur, por sot pas dy vitesh jemi në kushtet kur duhet të shkojmë një hap më tutje me moratorumin 10 vjeçar”.
