Një nga shkruesit më të njohur të biografive në botë, autor i suksesshëm, historiani dhe prezantuesi britanik Simon Sebag Montefiore, jep vlerësimin e tij për librin “Enver Hoxha”, i gazetarit Blendi Fevziu, përkthyer së fundi në gjuhën angleze.
Në dy postime të ndryshme, të bëra në tuiter Montefiore shkruan: “Për të gjithë të apasionuarit e pushtetit, një biografi mbërthyese e përbindëshit më të keq të Europës, Hoxhës së Shqipërisë”.
Ndërkohë postimi tjetër shoqërohet me fjalët: “Duke lexuar biografinë tërheqëse te tiranit të fundit Stalinist dhe megalomaniak, Hoxha i cili drejtoi Shqipërinë në vitet 1944- 1985.”
Ky vlerësim, nga biografi dhe historiani i njohur, nuk është i vetmi që i bëhet librit të diktatorit Hoxha, pas përkthimit në gjuhën angleze. Media të njohura britanike dhe ndërkombëtare, që nga BBC, “The Guardian”, “Balkanisight” dhe personalitete te njohur të tyre, kanë dhënë vlerësimet për këtë libër biografik, i pari që hedh dritë të plotë mbi anë të errëta të jetës së diktatorit të egër shqiptar.
