Politikë

Monika Kryemadhi merr 96% të votave, rikonfirmohet kryetare e LSI


Bëhu pjesë e Grupit Zyrtar të Opinion.al
>> KËTU <<
               Publikuar në : 13:57 - 22/11/20 |
Al Do

Monika Kryemadhi është rikonfirmuar në krye të Lëvizjes Socialiste për Integrim duke marrë një mbështetje thuajse unanime nga anëtarësia.

Silva Caka, Kryetarja e Komisionit të Zgjedhjeve, deklaroi në një konferencë për shtyp se “nga rezultatet e administruara kanë votuar 44.413 anëtarë nga të cilët 42.807 votuan pro kandidatit për kryetar të Lëvizjes Socialiste për Integrim, zonjën Monika Kryemadhi.”.

Duhet theksuar se kryetarja e LSI nuk kishte kandidat kundërshtar për pozicionin e kryetarit .

Silva Caka tha se vijon ende procesi i numrit të votave për delegatët e Konventës Kombëtare, ndërsa inkurajon grupet e numërimit për të nxjerrë sa më shpejt rezultatin për ekipin fitues të Lëvizjes Socialiste për Integrim.

“Vijon ende procesi i numërimit të votave për delegatët e Konventës Kombëtare, rezultati i cilit do të shpallet menjëherë pasi KQZ të njihet me tabelat përmbledhëse të rezultatit për çdo qendër votimi. Një falenderim i veçantë i shkon anëtarëve të komisioneve të qendrave të votimit për menaxhimin e një procesi në përputhe me rregulloren, urdhrat dhe udhëzimet e Komisionit Qendror të Zgjedhjeve. Inkurajojmë grupet e numërimit për të nxjerrë sa më shpejt rezultatin për ekipin fitues të Lëvizjes Socialiste për Integrim”, tha Caka.

Në zgjedhjet për delegatët e Konventës Kombëtare dhe Kryetarin e LSI, morën pjesë 44.413 anëtarë ose 80.7% e anëtarësisë. 28.285 anëtarë të LSI votuan fizikisht dhe mbi 16.128 anëtarë votuan online. /Opinion.al

Pas