Kryeministri Edi Rama, në kuadër të nismës “Bashkia që duam” ndodhet ditën e sotme në qytetin e Durrësit. Teksa ka vlerësuar punën e kreut të bashkisë së Durrësit Vangjush Dako, kryeministri ka ironizuar drejtuesit e opozitës të cilët pak kohë më parë vendosën të dorëzonin mandatet e tyre si deputetë. Përmes batutës Rama tha se pas shumë viteve më në fund Sali Bersha iku nga Kuvendi.
Duke iu referuar krizës “artificiale” sipas tij, Rama tha se Basha e ka për zakon të bëjë zhurmë, të dalë nga Parlamenti, të djegë madje edhe mandatet për herë të parë në histori, vetëm e vetëm që të kapin diçka.
“Mund të mi japin pa zgjedhje se me zgjedhje e di ai. Me atë fallxhoren në krah. I ka thënë kam parë filxhan mbrëmë. I tha harroje, do digjesh. Saliu nga mbrapa, shkrumb mandatet. Ne nuk na kanë dhenë detyrën që të sjellim Lulin në pushtet. Besoj që asnjë nga ne këtu duhet të vrasë mendjen se si të vij luli në pushtet. Madje, shyqyr që iku Saliu nga Parlamenti një herë. Ishin brenda në Parlament, tani vijnë rrinë te dera. Je mrena, del jashtë dhe pastaj lufton për të hy. Jo diktatura, junta, Maduro. Këta ikën vetë. Po ai Saliu bëri mirë që iku. Është vërtetë kënaqësi për çdo njeri normal aty jashtë Parlamentit. Jo në erë të hudhen, po aty ku drejton sytë Mona. Kjo meazallah se ka ble një votë. Monika ble çizme, vota jo. Mos! Pastaj fillon e bërtet, Zoti do ta dënojë Edi Ramën. Se ku komunikon me Zotin kjo nuk e di. Do komunikojë me karta. Të paktën na bëjnë për të qeshur”, tha ai./ Opinion.al E.Xh.
