Monica Lewinsky ka folur edhe herë të tjera për aferën seksuale që ka pasur me ish-Presidentin amerikan Bill Clinton në vitin 1995.
Tashmë ajo ka rrwëfyer në një dokumentar të përbërë nga 6 seri për lidhjen jashtë martesore që Presidenti Clinton kishte me të.
Seritë do të transmetohen nga data 18 Nëntor, megjithatë Monica Lewinsky ka ndarë paraprakisht disa detaje. Ajo flet për marrëdhënie seksuale që pati me Bill Clinton në Zyrën Ovale të Shtëpisë së Bardhë. Monica Lewinsky, në atë kohë 22 vjeç, kujton takimin në zyrën e Presidentit në vitin 1997.
“Shkuam në tualet për të pasur më shumë intimitet”, thotë 45-vjeçarja, duke shtuar se në fund të dy u përqafuan. Pasi doli nga tualeti, ajo zbuloi se fustani i saj i zi kishte një njollë. Fillimisht nuk e kishte vënë re, tregon Monica Lewinsky, dhe asnjë nga personat e tjerë që ndodheshin në Shtëpinë e Bardhë nuk i tha asgjë.
Pas shpërthimit të këtij skandali, ish-Presidenti amerikan Bill Clinton u detyrua ta pranonte aferën seksuale. Ai tha: “Kam pasur një marrëdhënie me znj. Lewinsky që nuk ishte e përshtatshme. /tvklan.al
