Një ngjarje e pazakontë ka ndodhur në një supermarket në Tajlandë. Blerësit janë tronditur kur kanë parë një hardhucë gjigande 1.8 metra të gjatë që po shëtiste brenda.
Siç duket edhe nga pamjet hardhuca është ngjitur në rafte në kërkim të ushqimit. Sipas mediave të huaja ajo kishte dalë nga një kanal pranë supermarketit para se të hynte brenda.
Dëshmitari i tmerruar Narumpa Tangsin, i cili filmoi skenën, tha se ishte frikësuar nga e gjithë ngjarja. “Unë ndalova në dyqan për të blerë pak ushqim dhe pastaj pashë hardhucën e madhe. Doja të blija një pije, por kafsha ishte shumë afër korridorit të pijeve. Ato janë kafshë të rrezikshme, veçanërisht kur janë të zemëruar, kështu që unë qëndrova mbrapa dhe e regjistrova në telefonin tim. Unë mendoj se dyqanet kanë gjithçka, madje edhe për hardhuca”, është shprehur ai.
Në pamjet që janë bërë virale në rrjetet sociale hardhuca shfaqet teksa ngjitej mbi raftet dhe hidhte disa kuti në tokë./Opinion.al
View this post on Instagram
