Imazhet e frikshme ku një peshkaqen gjigant ka dalë nga ujërat e ishujve Neptun në Australi përpara aparatit të një fotografi janë duke bërë xhiron e botës.
Peshkaqeni rreth 16 këmbë i gjatë, ka dalë në sipërfaqe dhe më pas ka notuar deri në vendin ku ndodhej fotografi me aparatin e tij, i cili po përpiqej të kapte imazhin më perfekt të bishës së ujit.
Dhëmbët e tij mund të shihen lehtësisht përreth barkës, e cila po lundronte në ishujt Neptun. Ky incident i papritur është fotografuar nga fotografi 26-vjeçar Luke Thom, i cili po shoqëronte fotografin Andrew Fox.
“Unë po shihja sesi Fox ishte duke realizuar fotot e mbresëlënëse të peshkaqenëve të bardhë kështu që mendova ta fotografoja atë teksa ishte aq afër kontaktit me ta. Këta peshkaqenë janë të mrekullueshëm duhen mbrojtur, por dhe të kenë sa më pak kontakt me njerëzit,”-përfundoi Thom./Xh.K/Opinion.al/ Burimi i fotove dhe informacioneve The Sun
