Vittorio Sgarbi, politikani dhe kritiku i njohur i artit italian, përjetoi një moment të vështirë disa ditë më parë në brigjet shqiptare të Palasës që mund t’i kishte marrë jetën.
Ai ishte duke notuar në Palasë, por dallgët e mëdha ia kanë vështirësuar notimin duke bërë që të rrezikojë edhe të mbytet.
Për këtë eksperiencë ai ka folur edhe në mediat italiane ku e ka cilësuar “moment frike dhe paniku”.
“Ato që unë përjetova ishin momente paniku e frike. Rrezikova mbytjen, ndërsa notoja pranë bregdetit në Palasë”, tregoi ai për Tg.com24.
Në “Live – Non è la d’Urso”, Sgarbi rrëfeu dhe me detaje për ngjarjen që i ndodhi, ndërsa ishte në Shqipëri.
“Shpëtova mrekullisht. Koha nuk ishte e mirë dhe deti kishte dallgë. Provova të notoja. E vetmja që më ndoqi ishte vajza ime. Kur dola nga uji nuk i kisha më mbathjet dhe syzet. Për fat të mirë kisha mbathje rezervë, syzet i bënë në kohë rekord në Shqipëri”, tregoi Sgarbi për Barbara d’Urso. /Opinion.al
