Zyrtarja e lartë e BE, Federica Mogherini në shqip tha: Urime! Gjatë konferences për shtyp me kryeministrin Rama u shpreh në mënyrë figurative: “Semaforin e keni jeshil por ama këtu fillon gara…”
Sipas saj, Shqipëria ka bërë përparime i ka përmbushur rekomandimet dhe kjo nuk është një punë e një partie apo e një qeverie. Sipas saj, kjo është punë e një dekade.
Ndërsa e pyetur për klimën e ndezur politike në vend dhe thirrjet e opozitës për mosbindje civile, ajo nuk preferoi të komentojë, por tha: “Unë do të takohem gjatë ditës me opozitën. Mesazhi do të jetë saktësisht për ta, si për Kryeministrin. Ky nuk është rezultat i qeverisë apo i opozitës është një rezultat i të gjithëve atyre që kanë punuar gjatë 10 viteve për të transformuar vendin. Nuk ka asnjë mënyrë që kjo të përdoret nga njëra parti apo tjeter”.
Po kështu ajo kërkoi rezultate konkrete për reformën në drejtësi. “Komisioni Europian u shpreh se kushtet janë përmbushur dhe dhamë një rekomandim qartësisht pozitiv për Këshillin i cili do të marrë vendimin e tij në qershor. Pra ky është një rekomandim i pakushtëzuar, por ama reformat duhet të vazhdojnë. Me fokus të posaçëm, në arritje konkrete sidomos në sistemin e drejtësisë”.
/Opinion.al
