Këtë të mërkurë, përfaqësuesja e Lartë e BE-së, Federica Mogherini do të jetë në Tiranë, për të marrë pjesë në samitin e Brdo-Brijunit, të organizuar nga Presidenti i Republikës, Ilir Meta.
Ajo do të zhvillojë takime me kryeministri Edi Rama dhe përfaqësues të opozitës, por siç duket, rëndësi do t’i kushtojë vetëm procesit të normalizimit të marrëdhenieve mes Kosovës dhe Serbisë, ku në këtë samit do të jenë dhe presidentët e dy vendeve, Hashim Thaçi e Aleksandër Vuçiç.
Federica Mogherini nuk do të negociojë për krizën politike në Tiranë dhe këtë e konfirmoi këtë të hënë ambasadori i BE-së.
“Ajo do te ketë takime me autoritetet më të larta në Shqipëri. Ne i qëndrojmë deklaratës sonë se ndërmjetësimi nuk është ne axhendë në këtë moment. Është në dorën e palëve, të qeverisë dhe të opozitës, të gjejnë urën që ekziston në mënyre që të tejkalohet situata ku jemi dhe të përfitojnë qytetarët shqiptare”, deklaroi ambasadori Soreca.
Këto deklarata kreu i delegacionit te BE-se ne vendin tone i beri gjate inaugurimit te ambienteve te reja te “Shtëpisë se Evropës” ku u prezantua axhenda e aktiviteteve në kuadër të javës së Europes, si dhe një sondazh lidhur me perceptimin e shqiptareve mbi BE, ku mbi 90% e tyre duan anëtarësimin ne union.
Vizita e Mogherinit vjen në një moment kur PD ka prezantuar platformën për qeverinë tranzitore, ndërsa po përpagitet për protestën e radhës kombëtare, atë të 11 majit. Vetë kreu i PD-së, Lulzim Basha ka thënë se 11 maj përballja do të jetë vendimtare./ Opinion.al
