Pas samitit të Brdo-Brijunit në Tiranë, shefja e politikës së jashtme në BE, Federica Mogherini nga Rumania deklaroi se perspektiva e Shqipërisë drejt unionit premton rezultate tejet pozitive .
“Udhëheqësit e Bashkimit Evropian duhet të shohin të ardhmen e Ballkanit brenda bllokut si përparësi për prosperitetin ekonomik dhe sigurinë e rajonit por edhe të BE. Ju sjell mesazhin direkt nga Tirana: mbështetja për BE është rreth 90 për qind. Është një kapital që ne duhet të ruajmë për të ardhmen”, theksoi ajo.
Edhe nga Tirana, në një konferencë me kryeministrin Edi Rama, zonja Mogherini tha se Shqipëria meriton hapjen e negociatave në Qershor. Por për kreun e PD-së, Lulzim Basha me këto deklarata, shefja e politikës së jashtme në BE bëri qokat e fundit.
“Miqtë e tij që vijnë për qokat e fundit para se t’iu mbarojë mandati s’e shpëtojnë dot nga ky realitet. Është Edi Rama pengesa kryesore për hapjen e negociatave, sepse është i lidhur me krimin. Kushdo që thotë të kundërtën, gënjen. Pak rëndësi ka në çfarë gjuhe e thotë, gënjen”, tha Basha të enjte./ Opinion.al
