Shefja për politikë të jashtme e Bashkimit Evropian, Federica Mogherini është takuar sot në Beograd me kryetaren e Kuvendit të Serbisë, Maja Gojkoviç.
Kryediplomatja evropiane ka deklaruar se dëshiron që të përcjellë një mesazh të qartë inkurajimi për pranimin e Serbisë në Bashkimin Evropian.
Të dyja palët gjatë takimit u pajtuan për rëndësinë e madhe të vizitës së përfaqësues së Lartë të BE-së në Serbi.
Ky takim u mbajt pak kohë pasi shefja e diplomacisë evropiane, u ballafaqua me një situatë të pakëndshme gjatë fjalës në parlamentin serb.
Gjate kohes qe Mogherini po mbante fjalimin, deputetët e Partisë Radikale të Vojisllav Sheshelit kanë thirrur parullat: “Serbia dhe Rusia nuk kanë nevojë për Bashkimin Evropian”.
