Të premten në Netflix do të publikohet një nga episodet e sezonit të dytë të “My Next Guest Needs No Introduction With David Letterman,’. Mendohet se episodi do të thyejë rekorde shikeshmërie pasi Ellen DeGeneres do të flasë për herë të parë mbi ngacmimet seksuale në adoleshencë nga njerku i saj.
Gjatë episodit Ellen, një nga moderatoret më të famshme amerikane do të flasë hapur për martesën e së ëmës, Betty DeGeneres kur ajo ishte ende adoleshente. Ajo tregon se pas martese e ëma u diagnostikua me kancer në gji dhe u detyra të hiqte njërin prej tyre.
“Një ditë, kur mami s’ndodhej në qytet, ai më tha se kishte ndjerë një gungë në gjoksin e saj dhe se duhej të prekte dhe gjoksin tim sepse s’donte të mërziste mamin, por ishte diçka që duhet ta bënte. Më vjen inat me veten sepse isha shumë e dobët që ta kundërshtoja, isha 15 a 16 vjeçe. Vërtet është një histori e tmerrshme dhe po e tregoj me detaje vetëm që vajzat që po më dëgjojnë të mos lejojnë njeri t’i trajtojnë ashtu. Ne ndihemi të pavlera, kemi frikë të përdorim zërat tanë, kemi frikë të themi jo,” thotë ajo. “Prandaj mendoj se është e rëndësishme të flasim për këto gjëra sepse ka shumë vajza që mund t’u ndodhë kjo, s’ka rëndësi sa vjeçe janë. Nuk kam asnjë problem me burrat, thjesht ka shumë burra që s’marrin kurrë atë që meritojnë”, tha Ellen teksa rikujtonte ngjarjen traumatike.
Ellen shpreson që historia e saj të frymëzojë viktima të tjera të sulmeve seksuale të tregojnë historitë e tyre dhe të mos kenë turp prej tyre./Opinion.al
