Pas 17 vitesh në ekranet shqiptare, moderatori Labinot Gashi është larguar nga puna në televizionin RTV21. Autori i “1 kafe me Labin” është mësuar se nuk do të jetë më pjesë e këtij programi.
Labi ka vendosur të përshëndetet me ndjekësit e tij me një letër emocionuese që ka publikuar në Instagram.
“Unë kam marrë një vendim, aspak të ngutshëm, që të shkëputem për një kohë të shkurtër nga puna në TV.”-shkroi Labi. “E di, do t’më mungojë dashuria, kritikat, përshëndetjet e secilit prej shikuesve. Po a s’na duhet secilit nga pak pushim reflektues, me pas mundësi për projekte të reja e afatgjata?”-vijoi, duke na shtyrë të mendojmë se vendimi i tij është i përkohshëm, për t’u rikthyer më pas ‘më i fuqishëm se kurrë’.
Ndërkohë mediat kosovare bëjnë me dije se Labi nuk është larguar vetëm nga puna, por edhe nga Kosova, duke u transferuar në Gjermani. Madje në disa prej tyre është shkruar se moderatori nuk ka rënë dakord me drejtuesit e emisionit për rritje rroge.
“Ne do të takohemi prapë, me rëndësi shëndeti e dashnia të na mbajë gjallë,”- mbylli Labi letrën, duke mërzitur jo pak ndjekës besnikë të emisioneve të tij gjatë këtyre viteve.
Më poshtë statusi i plotë i Labit:
Miq t’dashur, kete vit mu mbushen 17 vjet pune ne rtv21. Gjate ketyre viteve kam punuar me shume e shume dashuri, vullnet e perkushtim per punen dhe institucionin. Kam bere shume e shume emisione, te cilat sdo te ishin gjithmone e me te mira pa respektin per shikuesin Sot kam veq falenderime per te gjithe ju qe me motivuat te punoj, te njohur e edhe shume me shume te panjohur. Nje pershendetje pa fund per tgjithe koleget e mi, qe me dhane vullnet e mbeshtetje. Faleminderit Udheheqesve se 21Media. Dhe jo kot po i nisi keto falenderime publikisht sonte. Une kam marre nje vendim, aspak te ngutshem, qe te shkeputem per nje kohe te shkurter nga puna ne TV. E di, do tme mungoj dashuria, kritikat, pershendetjet e secilit prej shikuesve. Po a sna duhet secilit nga pak pushim reflektues qe me pas mundesi per projekte te reja e afatgjate! Une sot jam me shume se kurr i knaqur dhe ballhapur qe asnjerit deri sot si kerkova favore e as mirnjohje per mbeshtetjen qe u dhash, pervec miqesis se vertet dhe bashkpunimeve ne tmire dhe interes te shikuesve. Ne do te takohemi prap, me rendsi shendeti e dashnia te na mbaje gjalle. Me plot dashni, 1 kafe me Labin, OpOp Labi – Labinot Gashi
