Për herë të parë në histori një modele e njohur myslimane, Halima Aden, ka veshur burkini ose kostume specifike banje specifike për gratë myslimane, teksa pozon për revistën prestigjoze “Sports Illustrated”.
Modelja me origjinë somaleze është përfshirë në numrin e përvitshëm të veshjeve të plazhit, me veshjen karakteristike të femrave myslimane që mbulon të tërë trupin, me përjashtim të fytyrës, duarve dhe këmbëve.
21 vjeçarja duket se e po e shijon pafund këtë eskperiencë të re në karrierën e saj dhe pavarësisht kritikave që merr herë pas herë Aden dha një mesazh për të gjitha vajzat:
“Mos e ndryshoni veten tuaj. Ndryshoni lojën. Vajza gjithçka është e mundur. Dua t’i dërgoj një mesazh komunitetit tim dhe të gjithë grave në mbarë botën, pavarësisht origjinës apo ngjyrës, le të bashkohemi të gjitha bashkë dhe të festojmë lirinë”.
Kjo është hera e dytë që Aden thyen tabu për të gjithë komunitetin musliman, pasi në vitin 2016 ajo mori pjesë në Miss Minnesota duke u bërë konkurentja e parë që garonte e mbuluar, ndërsa përfshirja e saj në “Sports Illustrated”, revistë kryesisht për lexues meshkuj, ka shkaktuar reagime të ndryshme.
Modelja tregoi për BBC se për të arritur këtu ka kaluar një kalvar vuajtjesh, pasi është rritur në kampin e refugjatëve në Kenia, përpara se të emigronte në Shtetet e Bashkuara të Amerikës, ku iu desh të nisnin gjithçka nga zero./Opinion.al
