Fustani me të cilin shkëlqeu modelja dhe aktorja e njohur nga Kanada, Nikki Novak, në ceremoninë e çmimeve Oscar të vitit 2017 është dizajnuar nga dizenjatorja shqiptare 23 vjeçare, Kaonë Duriqi.
Duriqi ka pranuar një email nga kjo modele me famë botërore, që të dizajnojë fustanin me të cilin është paraqitur në ceremoninë e Oscars 2017. Ndërkohë Albatros Rexhaj ka bërë një dedikim tepër interesant teksa ka publikuar në faqen e tij të instagramit modelen që ka veshur fustanin e Duriqit.
“Javë më parë, gjatë ceremonisë së çmimeve Oscars, fustani “Cinderela” i disenjatores së re Kaonë Duriqi (@kaonexd) u vesh nga aktorja dhe prezantuesja e njohur amerikane Niki Novak. Rrugëtimi i fustanit deri në Hollyëood është një tip histori hirusheje në vetvete, por ky detaj është pak i rëndësishëm përballë faktit se Kaona, vetëm 24 vjeçare, tashmë përbën një emër me potencial të depërtojë deri në pasarelat më të njohura të modës.
Një vështrim më i hollë i fustanit “Cinderela”, por edhe koleksionit të ri që Kaona është duke lansuar këto ditë, do të zbulojë se kjo disenjatore kultivon një stil intim, që shkëlqimin nuk e ka qëllim në vete, por që prapë e arrin atë. E veçanta tjetër e Kaonës është se ajo është ndër të paktat disenjatore shqiptare që dizajnon gjëra që vërtet shpërfaqin shpirtin rinor, sensin për aventurë dhe dëshirën për të ecur mes ëndrrash që kultivojnë vajzat e reja të ditëve të sotme.
Në fotografinë e parë do të shihni Niki Kovak duke zbritur shkallëve me tepih të kuq, në fotografinë e dytë do të shihni një video ku Niki tregon fustanin para medias amerikane dhe në fotografinë e tretë do të shihni një video amatore, ku bukuroshja Anila Hajdari reklamon fustanin “Cinderela”, video që u pa dhe u ripublikua nga disa bllogerë botëror të modës, që më vonë tërhoqën vëmendjen e aktores Niki Kovak. Një tip histori hirusheje në botën e modës”, shkruan Albatros Rexhaj. /opinion.al
