Ish-ëngjëlli i Victoria’s Secret, Miranda Kerr është në pritje të ëmbël. Modelja e njohur është në pritje të fëmijës së saj të tretë pas dy djemve.
Ka qenë vetë modelja e cila ka publikuar në rrjete sociale foto nga eventi më i fundit ku ka qenë pjesë me barkun e rrumbullakosur duke u dukur në formë të mrekullueshme fizike dhe rrezëllitëse.
Kerr është e martuar që prej vitit 2017 me themeluesin e Snapchat Evan Spiegel me të cilin ka vogëlushin 10-muajsh Hart.
Gjithashtu modelja ka edhe një djalë nga martesa e saj e parë me aktorin Orlando Bloom, 8-vjeçarin Flynn. Nuk dihet ende se cila është gjinia e fëmijës që pritet të vijë në jetë./Opinion.al/
