Në seancën e radhës të së enjtes në Kuvend do të zhvillohet mocioni me debat i opozitës me kryeministrin Rama për çështjen McGonigal. Kreu i Grupit të PS, Taulant Balla tha se PS po e pret këtë seancë për ti komunikuar publikut disa të vërteta të mëdha.
“Të gjitha grupet parlamentare presin që në Kuvendin e Shqipërisë të ketë një diskutim. Çdo deputet do të ketë 10 minuta kohë, sipas kërkesës së sjellë nga kërkuesit. Mos harroni që këtu kemi të bëjmë me bashkëim të kërkesave, pasi mos harroni që kërkesa për mocion-debat, interpelancë dhe seanca e pyetjeve janë bashkuar. Është opinioni publik ai që na gjykon. Grupi i PS mezi po e pret mocionin me debat për t’i komunikuar publikut disa të vërteta të mëdha”-tha Balla./Opinion.al
