Partia Socialiste do t’i dërgojë një kërkesë Prokurorisë, për të nisur hetimet për deputetin demokrat, Flamur Noka.
Kjo kërkesë vjen në kuadrin e ligjit të dekriminializimt, pasi sipas PS, Flamur Noka dyshohet se ka fshehur të dhënat në formularin e vetëdeklarimit.
Deputetët socialist kanë nisur mbledhjen e firmave për ta konkretizuar këtë nisëm.
“Në formularin e vetëdeklarimit të deputetit Flamur Noka, të depozituar në KQZ me numër protokolli 489, datë 6.4.2016 nuk janë deklaruar në pikën 5 dhe në pikën 7 të dhëna të bëra publike dhe të njohura botërisht lidhur me ndalimin, vendosjen e masës së sigurisë personale dhe dëbimin nga një shtet i huaj”,thuhet në kërkesën e grupit parlamentar të PS.
Flamur Noka ka qenë në epiqendër të akuzave të socialistëve, të cilët deklarojnë se Noka është arrestuar në Jugosllavi në fillim të viteve ’90, ndërsa dyshohet se edhe është rekrutuar si agjent i fshehtë i UDB-së jugosllave.
