Vazhdon pikëllimi në kampin bardheblu pas humbjes 2-0 në derbin me Partizanin. Zhgënjimi te tifozët është aq i thellë sa ata tani kërkojnë largimin nga posti i Presidentit të Tiranës, të z. Refik Halili. Faqja në facebook F.K Tirona, komuniteti më i madh i tifozëve të Tiranës që mbledh rreth vetes 47 mijë ndjekës, ka hapur që nga dita e djeshme një sondazh: A mendoni se Presidenti Refik Halili, duhet të japë dorëheqjen? Sondazh i cili do të zgjasë përreth një javë, ku pas rezultateve të këtij sondazhi tifozët e Tiranës, do të marrin edhe nismën për largimin e Presidentit Halili nga drejtimi i Tiranës. Por sikur të mos mjaftojë ky sondazh, irritimi i tifozerisë bardheblu ka shkuar deri aty sa ata kërkojnë të largojnë nga ekipi edhe lojtarët kryesorë si Muzakaj, Karabeci, Bakaj, etj të cilët i cilësojnë si përgjegjësit kryesorë të dështimit të Tiranës, jo vetëm në derbi, por edhe në të gjithë sezonin. Tirana nuk fiton me Partizanin prej 8 ndeshjes, që nga shkurti i vitit 2014, ndërkohë që edhe më e nderë bëhet situata, po të kihet parasysh që në tri ndeshjet e fundit derbi, ekipi nuk ka shënuar qoftë edhe një gol, gjë të cilët tifozët bardheblu nuk munden ta pranojnë.
Ja çfarë shkruajnë tifozët e Tiranës për Presidentin Refik Halili
