*Foto ilustruese
Tre persona kanë mbetur të plagosur nga një aksident rrugor të regjistruar rreth orës 01:30 të mëngjesit të sotëm në aksin rrugor Kapshticë-Bilisht.
Një automjet tip “Land Rover”, me targa AA 273 MG, me drejtues shtetasin E.M, rreth 28 vjeç, banues në Vranisht-Devoll, ka dalë nga rruga.
Për pasojë, ka marrë lëndime drejtuesi i mjetit, si edhe dy pasagjerët shtetasja I.M, rreth 22 vjeçe banuese në Bilisht dhe shtetasi N.Xh, rreth 25 vjeç, banues në Koshnicë-Devoll.
Tre të cilët janë transportuar në Spitalin e Korçës, ku ndodhen nën kujdesin intensiv të mjekëve. Policia po punon për sqarimin e rrethanave të aksidentit.
