Deputeti i PD Tritan Shehu ka reaguar përmes një publikimi në Facebook, lidhur me ngjarjen e rëndë ku një 12-vjeçare humbi jetën si pasojë e zjarrit në banesën e saj. Shehu shprehet se fshati Dervician ka qenë pa energji elektrike prej orës 14:30 çka i detyron banorët të pëdorin mjete primitive për ngrohje. Për këtë arsye ai e quan ngjarjen të paralajmëruar, ndërsa e cilëson indiferente sjelljen e autoriteteve shtetërore.
Reagimi i Tritan Shehut
Dervicani ne erresire, nje e mitur humb jeten!
Ngushellimet me te thella e te sinqerta familjes se saj per kete humbje te rende e te pa zevendesueshme !
Prej ores 14,30 Dervicani eshte me mungese te plote te energjise elektrike. Ngjarje kjo e zakoneshme jo vetem per Dropullin, por per te gjithe zonat rurale te krejt Qarkut te Gjirokastres. Prej Krahesit te Memaliajt ne Carshove te Permetit, Zagorise deri ne Lopez te Tepelenes, Picarit ne Kakavije, prej Kelcyres ne Polican, kudo e njejta gje.
Mjaftojne dy pika shi ose pak ere dhe cdo gje ne erresire. Dhe nuk ka asnje projekt permiresimi, institucionet heshtin, Qeveria shikon punet e saj…! Keshtu ndodhi dhe sot kur ne ate erresire mori flake nje shtepi ne Dervican, sic duket si pasoje e perdorimit te mjeteve ndricuese primitive. Per rrjedhoje-nje ngjarje tragjike, humbi jeten nje femije.
Nje ngjarje e rende, por e paralajmeruar prej kohesh kjo ne fakt. Shpreh te gjithe protesten time per kete indiference cinike dhe te gjate te ketij shteti ndaj qytetareve te tij. Cdo gje duhet te kete nje fund !
