Për herë të dytë prej të hënës një grup i përbërë nga pesë persona dhe që janë komision i ngritur me urdhër të drejtorit të përgjithshëm të burgjeve, kanë shkuar në spitalin privat ku mbahet i mituri me iniciale Mario Përlleshi, i dyshuar për vrasjen e Martin Canit.
Sipas informacioneve, një ditë më parë mjeku privat i ka “zvarritur” ekspertët dhe nuk ua ka dorëzuar epikrizën e 14-vjecarit që mbahet nën masë arresti me burg.
Prej orës tetë të mëngjesit bëhet me dije se komisioni i burgjeve që duhet të tërheqë epikrizën dhe të vendosë gjendjen e tij nëse duhet dërguar apo jo në institut të të miturve në Kavajë vazhdon të jetë në ambientet e spitalit.
