Katastrofa në Greqi duket se ka lënë pas saj një gjendje të rëndë shoku.
Ekspertët mjekësor janë duke bërë analizat dhe ekspertizat në terren për të identifikuar trupat që kanë humbur jetën.
Kathimerini.gr shkruan se kjo është tepër e vështirë për shkak se trupat janë djegur dhe janë të paidentifikueshëm.
Sipas mjekëve shumë prej viktimave janë djegur dhe kanë ndërruar jetë, ndërsa disa të tjerë kanë mbetur të asfiksuar nga Dioksidi Karbonit dhe më pas janë djegur.
Mjekët shprehen se do të bëhen analizat e ADN-së për të identifikuar viktimat që humbën jetën dhe kështu familjet greke do të mësojnë fatin e familjarëve të tyre.
“Nuk kemi asnjë ide. Ka edhe fëmijë, por të dhënat përfundimtare do të jepen pas përfundimit të procesit .
Ne gjejmë sende personale, të tilla si unaza, kryqe, por këto nuk janë sende nga të cilat të afërmit mund të identifikojnë viktimat.
Edhe pse kjo është tragjedia më e madhe në historinë tonë. Ne duhet të tregojmë pak durim, pasi rezultatet e testeve të ADN-së mund të shkojnë nga disa orë në disa ditë. Kjo varet nga vështirësia e materialit “, është shprehur mjeku./Opinion.al
