Mjekja Romina Selenica jeton në Itali, ku punon si mjeke estetiste. Por për shkak të shpërthimit të epidemisë ajo është bërë pjesë e sistemit shëndetësor parësor duke u përfshirë si mjeke familjeje. Në një lidhje në emisionin “Opinion” Selenica tha, se një nga simptomat që është evidentuar se paraprin rastet e të prekurve nga koronavirus, është humbja e shijes dhe nuhatjes.
Ndërsa foli për raastet e shtuara në Itali, mjekja tha se pavarësisht që është konfirmuar fakti që sëmundja është më aggressive tek personat në moshëm nuk mungojnë edhe rastet e të rinjve në gjendje të rëndë. “Një djalë 30 vjeçar në Piza, i cili kishte edhe sëmundje autoimmune humbi jetën sot”, tha mjekja duke shtuar faktin që agravimi mund të jetë më i shpejtë tek të moshuarit, në një periudhë 4 apo 5 ditore për personat mbi 70 vjeç, ndërkohë që të rinjtë zakonisht agravojnë në një periudhë 10 ditore apo më shumë.
E pyetur nga gazetari Blendi Fevziu, përse sistemi Italian po kolapson, Selenica u shpreh: “Lufta me kohën, numër i lartë pacientësh në njësinë e kohës. Nuk pati ndërgjegjësim qytetar, nuk pati një izolim. Ne po shohim kurbën të bjerë sepse patëm 14 ditë izolim. Njerëzit emigruan nga Lombardia në Toskanë”./Opinion.al
