Përdorimi i shpeshtë i desinfektantëve dhe larja e vazhdueshme e duarve veçanërisht në këtë periudhë, kanë ndikuar negativisht në lëkurën e duarve, duke krijuar jo vetëm dëmtime, por edhe çarje të saj.
Në një lidhje në emisionin “Opinion”, dermatologia Entela Shkodrani tha se këto çarje krijojnë plagë, të cilat gjithashtu lejojnë hyrjen e infeksioneve përmes lëkurës, në organizëm.
Çarjet që krijohen në duar janë infeksione që krijojnë plagë dhe nuk lejojnë larjen e dorës.
Më të rrezikuar nga dëmtimi i lëkurës së duarve sikurse tha dermatologia, janë veçanërisht personat që vujanë nga probleme të dermatitit apo psoriazit.
“Ka shumë persona që vuajnë nga ekzema, psoriaza dhe nga larja e shpehtë krijohen plasaritjet, infeksionet, infeksionet mykotike. Që në momentin e parë ne mund të përdorim shumë mirë kremra emolientë, hidratantë. Mund t’i marrim në farmaci ose në market. Ka dhe mënyra të tjera alternative, jo vetëm kremra farmaceutikë, por edhe kremra parafarmaceutikë, aloe vera, vaji i koskit, vaji i bajames, apo kremat me bazë ulliri, ose vazelina është shumë e mirë dhe nuk ëhstë kushtueshme. Në darkë, amvisat apo fëmijët e vegjël mund t’i lyejnë duart me vazelinë dhe të flenë me doreza pambuku, kështu që kremi ehidratorn më shumë lëkurën”, tha mjekja.
Ndërkohë mjekja këshilloi që mënyra me efikase për largimin e mikro-organizmave është larja e duarve me ujë dhe sapun, ndërsa përdorimi i desinfektantëve largon vetëm 60% të mikro-organizmave dhe për më tepër që kanë përmbajtje alkooli dhe thajnë lëkurën./Opinion.al
