Mjekët u tërhoqën nga dorëheqja, por ndërkohë situata në urgjencën e sëmundjeve të brendshme vijon njësoj përsa i takon fluksit të pacientëve.
Në këtë shërbim në pritjen e rasteve të para me probleme të ndryshme shëndetësore punojnë 13 mjekë, gjysma e të cilëve në bllok paralajmëruan largimin, ndërsa në 24 orë fluksi i pacientëve shkon 250-300 raste.
Ky numër është i lartë për shkak të situatës së krijuar nga përmbytjet dhe mos funksionimi i sistemit të referimit; spitalet rajonale edhe për probleme të lehta shëndetësore i dërgojnë pacientët në qsut.
Drejtoria e QSUT tha se puna vijon normalisht në urgjencë, duke garantuar se problemi është zgjidhur brenda sistemit.
Pacientë dhe familjarët e tyre, nuk fajësojnë mjekët dhe nuk ngrejnë dyshime për punën apo misionin e tyre por thonë se situata është e pazgjidhme përsa kohë që është ky fluks.
Të tjerë thonë se serumet merren në karrige apo korridoreve, ndërsa mendojnë se duhen shtuar kapacitetet.
Pas peticionit publik, ishte shefi i urgjencës Edmond Zaimi teksa sqaroi opinionin publik për situatën e krijuar se bluzat e bardha nuk do të largohen nga puna por kërkojnë të përmirësojnë shërbimin e urgjencës.
Burimi: OraNews
