“Superdrug” do të ofrojë shqyrtim të shëndetit mendor për klientët që hyjnë në procedura kozmetike të tilla si mbushja e buzëve dhe Botox, në mënyrë të vazhdueshme si pasojë e ankthit dhe dëshirës për perfeksion.
Klientëve që kërkojnë trajtim do t’u kërkohet të plotësojnë një pyetësor të zhvilluar, në formë testi nga psikologët që punojnë në terren dhe më pas ata do të drejtohen në një grup mjekësh të shëndetit mendor.
Kjo lëvizje synon të ndihmojë në identifikimin e njerëzve që mund të kenë çrregullime trupore ose shqetësime të tjera që ekspertët thonë se po lulëzojnë në mediat sociale dhe që nxisin më shumë njerëz për të kërkuar procedura kozmetike që shpesh rezultojnë fatale.
NHS ka ngritur shqetësime për mungesën e rregullave në procedurat kozmetike, të cilat mund të administrohen pa trajnim formal, pavarësisht nga rreziqet e komplikimeve serioze.
“Presionet mbi shëndetin mendor të të rinjve janë më të mëdha se ç’kanë qenë ndonjëherë, ndërsa familjet dhe shërbimi shëndetësor shpesh kanë jashtë kësaj “, tha profesor Powis.
Çrregullimi dysmorfi i trupit mendohet të ndikojë rreth një në 50 njerëz dhe organizatat bamirëse thonë se procedurat të cilat kushtojnë qindra paund nuk do të bëjnë të ndihen më mire me imazhin e tyre.
Pyetësori do t’u kërkojë klientëve nëse ka pjesë të trupave të tyre të cilët ata nuk i pëlqejnë, e u shkaktojnë ankth, sa shpesh ata i shikojnë këto pjesë dhe se si ankthi i tyre ndërhyn me aktivitetet e tyre të përditshme.
Kur kuptohen shqetësime reale, profesionistët shëndetësorë që administrojnë trajtimet do të jenë në gjendje t’i drejtojnë pacientët tek një mjek ose psikolog për mbështetje./Përshtati: Elida Marvataj, Opinion.al
Burimi: The Independent
