Ish kryeministri italian, Silvio Berluskoni ka përshendetur dërgimin e 30 mjekëve dhe infermierëve shqiptarë në Itali.
Duke e cilësuar vendin tonë si një vend me tradita të mëdha dhe civilizim antik, ish kreu i qeverisë falenderon Ramën për fjalët dhe gjestin e tij fisnik për Italinë.
“Unë e njoh kryeministrin e Shqipërisë Edi Rama dhe kam vlerësuar shumë gjestin e tij dhe fjalët e tij fisnike drejt Italisë.
Shqipëria është një komb i vogël por është një vend me tradita të mëdha dhe civilizim antik, me të cilin vendi ynë ka një marrëdhënie historike që qeveritë e mia kanë bërë gjithçka për ta konsoliduar.”, shkruan Berluskoni./Opinion.al
