Bashkë me diellin e ditëve të nxehta vijnë edhe alergjitë që shkaktohen nga rrezet ultravioletë. Sipas mjekëve kjo lloj alergjie prek më së shumti personat me lëkurë të ndjeshme, për të cilët është e rëndësishme të shmangin ekspozimin në diell, kryesisht gjatë orëve të pikut.
“Shfaqen formacione të kuqe, mund të kemi edema, krruarje të shpeshta, mund të ketë edhe formacione të tjera në formë ekzemash, apo puçrra të kuqe në të gjithë trupin. Individët gjithashtu mund të përjetojnë gjendje të keqe, të përziera dhe dhimbje koke”.
Në disa raste alergjia nga dielli mund të shfaqet menjëherë pas ekspozimit në diell, por mjekët këshillojnë që kurdoherë të merren masa parandaluese si kremrat mbrojtjes.
“Këta persona duhet të mbrohen me veshje të lehta, dhe me krahë të gjatë dhe të mos ekspozohen në diell. Duhet të mbrohen patjetër me kremra dielli”.
Alergjia nga dielli mund të ketë kohëzgjatje të ndryshme në individë të ndryshëm, megjithatë në çdo rast rekomandohet konsulta mjekësore./ Tv Klan
