“Parashikimet e epidemisë së koronavirusit në disa zona të Italisë gjatë javëve të ardhshme, thonë se në shumë qendra shëndetësore mund të ketë një rritje të rasteve në mënyrë të tillë, që mund të krijojnë një çekuilibër të pazakontë mes nevojave klinike të popullatës për ndihmë dhe mundësisë efektive të burimeve të trajtimit intensiv”, thuhet në relacionin teknik të shoqatës së anestezisë, analgjezisë, reanimacionit dhe terapisë intensive, Siaarti.
“Është një skenar në të cilin mund të nevojiten kritere të aksesit me kurat intensive, jo thjesht në bazë të përshtatshmërisë klinike dhe proporcionalitetit të kurave, por edhe në bazë të një shpërndarjeje të drejtë të tyre. Një skenar i këtij lloji është i ngjashëm vetëm në kushtet e një mjekësie të katastrofave, për të cilën reflektimi etik ka përpunuar me kohën indikacione konkrete për mjekët dhe infermierët e gjendur përpara zgjedhjeve të vështira”, citon “La Repubblica”.
Mes 15 kritereve të jashtëzakonshme që përdoren pë pacientët intensivë, jo vetëm ata që janë prekur nga koronavirus, lexohet se mund të jetë e nevojshme të vendoset një kriter përzgjedhjeje p.sh: rezervim i terapisë fillimisht për personat që kanë më shumë mundësi mbijetese dhe më pas për më të moshuarit apo ata që janë në gjendje më të rëndë. /Opinion.al
.
