Bebe Rexha ka udhëtuar drejt Nju-Jorkut për të takuar babanë e saj, i cili nuk i flet më që pas publikimit të klipit më të fundit.
“Ai ende nuk më flet, kanë kaluar dy javë. Ja përse po iki në Nju-Jork tani, shpresoj të pajtohemi, por se di, ai më urren”, tha këngëtarja me origjinë shqiptare për TMZ.
Kënga e saj “Last Hurrah”, është e mbushur me skena provokuese, dhe seksi, të cilat duket se janë të pakonceptueshme për të atin. 29-vjeçarja tregoi javën e kaluar disa mesazhe të dërguara nga babai i saj Flamur Rexha, i cili ndër të tjera shkruante: “Ti bën mirë ta mbyllësh me këto postime idjote pornografike, sepse më vjen për të vjellë, nuk mund ta duroj më këtë, i turpëruar të dal në publik, jam shumë i nxehur me ty, nuk mund ta besoj”.
Ajo sqaroi se në fakt babai nuk ishte i vetmi person që ishte mërzitur me të.
“Të gjithë në familjen time janë të mërzitur me mua tani, por mund të jetojnë. Është art”.
Bebe ka treguar dhe më herët se vjen nga një familje shqiptare me tradita dhe rregulla mbase dhe të pakonceptueshme për Amerikën dhe perëndimin./E.M
