Qeveria greke, në bashkëpunim me autoritetet lokale të Rodosit, do të ofrojë një javë pushime falas për ata turistë që u detyruan të largohen më herët nga ishulli për shkak të zjarrit, tha Kyriakos Mitsotakis në intervistën e tij të fundit.
Kryeministri shpjegoi se turistët që dëshirojnë ta bëjnë këtë do të mund të kthehen në Rodos vitin e ardhshëm në pranverë për të shijuar ishullin dhe bukuritë e tij.
“Qeveria greke, në bashkëpunim me autoritetet lokale, do të ofrojë një javë pushim falas në Rodos në pranverën ose vjeshtën e ardhshme, për të gjithë ata që e humbën atë për shkak të zjarreve”, tha kryeministri duke folur mëngjesin e sotëm për kanalin britanik ITV.
“Rodosi sot është më mikpritës se kurrë, ishulli është kthyer në normalitet”, theksoi më pas Mitsotakis.
Dhe në pjesën tjetër të destinacioneve, por edhe në Rodos, britanikët janë të mirëpritur dhe ajo që u dëshmua nga kriza e fundit në ishull është se Greqia është më e përgatitur për këtë lloj fenomeni, vuri në dukje Mitsotakis.
Ai theksoi se një operacion i madh për evakuimin e rreth 20 mijë njerëzve nga Rodosi, nga të cilët vetëm 15% u prekën nga zjarret, u krye në mënyrë shumë të sigurt.
Situata është normalizuar në Rodos, por ky ishull u përfshi nga zjarre masive, aq sa autoritetet greke u detyruan të evakuojnë të gjithë ishullin, ndërsa nuk ka pasur asnjë të plagosur./Opinion.al
