Kryeministri grek Kyriakos Mitsotakis ka paralajmëruar sot Maqedoninë e Veriut se rruga e saj drejt Evropës do të jetë e mbyllur nëse nuk ka një respektim të plotë të Marrëveshjes së Prespës.
Në një takim me banorët e Greqisë ai tha se memorandumet që duhet të ratifikojmë, nuk do të ratifikohen derisa të ketë përputhje absolute.
“Por nëse disa njerëz mendojnë se mund të mos e respektojnë Marrëveshjen, duhet të dinë dy gjëra:
Së pari, se rruga e tyre për në Evropë do të mbetet e mbyllur dhe se, së dyti, Memorandumet që ne duhet të ratifikojmë, nuk do të ratifikohen derisa të ketë përputhje absolute. Pajtueshmëri absolute nga qeveria e re me atë që parashikon Marrëveshja. Pa ekstreme, pa shumë zëra, me rigorozitetin e nevojshëm me të cilin qeveria greke i qaset të gjitha këtyre çështjeve”, tha Mitsotakis.
