TIRANE- Nga hetimet e prokurorisë ka rezultuar se kamerave e lokalit ku u vranë tre persona në Elbasan është fikur vetëm pak minuta para atentatit. Burimet thanë se bie hipoteza e parë se kamera është dëmtuar nga plumbat.
Gazeta Panorama shkruan sot se “mbetet mister fakti se, fare pak kohë para ndodhjes së krimit, pikërisht në orën 19:53, kamera kryesore e sigurisë ka qenë e fikur”. Në lokal ndodheshin të vendosura tri kamera, të cilat rezultojnë se janë nga më modernet e këtij lloji.
Ende nuk dihet nëse kamera kryesore është fikur me qëllim nga persona të tjerë apo nga pronarët e lokalit për shkak të një defekti. Kjo pritet të zbardhet në vijim nga policia, ndonëse pronari i lokalit, Agron Çapja, mbeti vetë viktimë e atentatit.
Më datë 3 shkurt në një lokal në pronësi të Agron Çapjes u ekzekutuan 3 persona dhe u plagosën rëndë 8 të tjerë.
