Krerët më të lartë të Policisë së Shtetit kanë zhvilluar një takim në Prokurorinë e Posaçme kundër Krimit të Organizuar dhe Korrupsionit lidhur me çështjen e të shumëkërkuarit të policisë Ervis Martinaj si dhe përfshirjen e ish-efektivit të policisë Jeton Lami.
Sipas abc news, takimi është mbajtur gjatë ditëve të fundit në ambientet e SPAK.
Sakaq mësohet se ish-efektivi i Operacionales, Jeton Lami i arrestuar për shpërdorim detyre, si personi qe ndihmonte Martinajn të lëvizte i lirë në kohë që ishte në arrati, është transportuar nen masa te rrepta sigurie nga Burgu i Shën Kollit ne Lezhe, drejt burgut 302 në kryeqytet.
Tashmë ka kaluar me shume se një muaj nga denoncomini i familjareve se kane humbur kontaktet me Ervis Martinaj.
Drejtuesit e policisë kanë kërkuar qe dosja për zhdukjen e Martinajt te transferohet nga prokuroria e Laçit në SPAK.
Ervis Martinaj është shpallur në kërkim nga policia pas dëshmisë së Nuredin Dumanit, i cili tha para hetuesve se Martinaj kishte porositur vrasjen e Endrit Dokles, atentat që nuk u realizua.
Ndërkohë kryeministri Edi Rama u shpreh dje se pak a shumë ka një përgjigje për këtë çështje, por deklaroi se një përgjigje e Policisë së Shtetit duhet të mbështetet në prova./Opinion.al
