Edhe në Google po të kërkosh, është shumë vështirë që të gjesh një foto të Arthur Melo me fanellën e Liverpool. Braziliani ka kaluar një sezon për t’u harruar.
Vetëm 76 minuta në total me “The Reds” dhe të gjitha kanë qenë në shtator të vitit të kaluar. Që atëherë, është “zhdukur”. Jurgen Klopp as nuk e grumbullon më me ekipin e parë dhe huazimi i tij nga Juventusi, për 4,5 milionë euro, ka qenë një dështim i vërtetë.
Vetëm 26 vjeç, mesfushori do të kthehet te bardhezinjtë pasi të mbyllet sezoni aktual, pasi ka kontratë me klubin italian deri në vitin 2025, por e ardhmja e tij është në dyshim.
