Në pamje të parë, milioneri britanik Peter Chadwick dhe familja e tij kishin një jetë të përsosur në një shtëpi prej 2 milionë paundësh në SHBA me pamje nga oqeani.
Por fasada u shemb kur gruaja e tij Quee Choo, 46 vjeç, u mbyt me vdekje dhe Chadwick u akuzua për vrasjen e saj.
Ai nuk është parë që në janar 2015 dhe është ende një nga të arratisurit më të kërkuar të Amerikës.
Shefi i policisë Jon Lewis tha:
“Pjetri mund të jetë kudo në botë. Ai ka mjetet financiare për të shmangur kufizimet në udhëtimin e tij. Ai ka çdo mundësi për të fshehur gjurmët e tij. ”
Ne duam të përhapim fotografitë e tij dhe historinë e krimeve të tij .
Pasi u bë shtetasi i SHBA në vitin 1991, Chadwick ka punuar si një investitor shumë i suksesshëm i pronave. Ai i siguroi bashkëshortes dhe tre djemve të tyre një jetë luksoze në shtëpinë e tyre në Bregun e Newportit ,në një nga zonat më të pasura të Orange County.
Sipas miqve, ata dukeshin si një çift i përsosur dhe i qetë dhe kishin qenë të martuar për 21 vjet. Por pas dyerve të mbyllura, kishte tensione të zhurmshme. Quee Choo dhe pse ishte mikpritëse dhe e sjellshme, drejtoi familjen me saktësi ushtarake, duke shkruar udhëzime dhe orare për bashkëshortin dhe fëmijët e saj.
Në të kundërt, Çadwick, 54 vjeç, dukej se ishte “i dëgjueshëm” dhe “jashtëzakonisht i qetë”, sipas fqinjëve.
Më 10 tetor 2012, kur miqtë dhe të afërmit u shqetësuan se asnjëri prind nuk kishte arritur të merrte djemtë e tyre nga shkolla, policia u thirr në shtëpi.
Askush nuk ishte aty, por policët gjetën shenja të një konflikti në dhomën e gjumit dhe një peshqir të përgjakshëm.Policia dyshoi se një ose të dy Chadwicks ishin bërë viktima të një krimi, ndoshta vrasje.
Ndërsa policia ishte duke kërkuar më shumë të dhëna,Chadwick u shfaq.
Pak para agimit më 11 tetor, ai telefonoi policinë dhe tha se ishte afër kufirit meksikan në San Diego, 100 kilometra nga shtëpia e familjes.
Sipas një deklarate federale, ai më vonë i tha policisë se mjeku i quajtur “Juan” e kishte rrëmbyer dhe u përpoq ta detyronte të shkonte në Meksikë për të shkarkuar trupin e gruas së tij.
Zyrtarët nuk e besuan historinë. Në një intervistë të mëvonshme, detektivët vunë re gërvishtjet në qafën e Chadwick dhe gjak të thatë në duart e tij. Por ai nuk pranoi t’i përgjigjet pyetjeve të tyre.
Detektivët zbuluan trupin e zhveshur plotësisht të Quee Choo një javë më vonë në Lakeside, një lagje e vogël në San Diego County.
Prokurorët akuzuan Chadwickin për vrasje. Autoritetet thanë se çifti kishte argumentuar për një divorc dhe çështje financiare .
Të dhënat e policisë tregojnë se Chadwick rrëfeu brenda një burgu në San Diego se ai ishte ai që vrau gruan e tij.Chadwick u lejua me kusht në dhjetor 2012.
Si kusht, ai i dorëzoi pasaportat .Por gjithsesi u arratis.Ai i tha njërit prej djemve të tij se kishte planifikuar të ikë në këmbë përmes kufirit kanadez ose meksikan dhe pastaj të gjejë punë.Ai akoma nuk ështe gjendur dhe nuk dihet pse u zhduk.
