Zyrtarët amerikanë nuk e kanë parë së fundmi liderin e Koresë së Veriut, Kim Jong-un dhe janë duke vëzhguar nga afër raportimet për shëndetin e tij.
Kështu deklaroi Sekretari amerikan i Shtetit, Mike Pompeo, teksa ka shprehur shqetësim se ky shtet i izoluar mund të goditet nga koronavirusi apo uria.
36-vjeçari, Kim Jong-un është parë për herë të fundit në media më 12 prill, duke nxitur më pas dyshime se është i sëmurë rëndë apo dhe se ka ndërruar jetë. Mirëpo zyrtarët në Korenë Jugore kanë thënë se këto raportime nuk janë të vërteta.
Në mesin e supozimeve ka qenë edhe ai se “lideri suprem” i Koresë Veriore mund të jetë duke qëndruar në një vilë në Wonsan për të mbrojtur veten nga ekspozimi i mundshëm i koronavirusit./Opinion.al
