Itir Esen, 18 vjeç, ishte vetëm për një ditë Miss Turqia, pasi organizatorët vendosin t’i heqin kurorën për një reagim në “Twitter” mbi grushtin e shtetit të 15 korrikut të një viti më parë.
18-vjeçarja u kurorëzua si vajza më e bukur në Turqi ditën e enjte, por një ditë më pas doli në dritë një postim i saj në “Twitter” mbi grushtin e shtetit. Esen krahasonte ciklin e saj menstrual me gjakun e derdhur të “martirëve”, siç i quan Erdogan viktimat që vdiqën duke i rezistuar grushtit të shtetit, shkruan Top channnel
Organizatorët e konkursit reaguan duke thënë se postimi i vajzës ishte i papranueshëm dhe morën vendimin për heqjen e kurorës vetëm pak orë pasi ai u kurorëzua si Miss.
“Na vjen keq të themi se postimi i përket Itir Esen. Nuk është e mundur që Organizata e Miss Turqisë të promovojë një reagim të tillë dhe të konkurrojmë në botë me këtë imazh”, reaguan organizatorët.
Itir Esen reagoi nëpërmjet “Instagram”-it, duke thënë se postimi i saj nuk ishte aspak politik.
