Zëdhënësi i Presidentit, Tedi Blushi i është përgjigjur Taulant Ballës, teksa ka sqaruar vizitën e Metës në Librazhd.
Blushi, nëpërmjet një reagimi në llogarinë e tij në “Facebook” thotë se Meta ishte ftuar nga një familje me tradita sportdashëse dhe të rinj të Librazhdit, ndërsa ka garantuar se Presidenti do të shkojë kudo ku ka qytetarë të revoltuar nga shkeljet e Kushtetutës.
“Presidenti i Republikës Sh.T.Z Ilir Meta ka qenë sot në Librazhd, por i ftuar nga familje me tradita sportdashëse dhe të rinj të këtij qyteti, jo siç mashtron i dënuari për shpifje Tao Tao.
Presidenti Meta do të shkojë jo vetëm në Librazhd, por në të gjitha zonat e Shqipërisë ku qytetarët e revoltuar me shkeljet e Kushtetutës e kërkojnë për t’i shprehur shqetësimet dhe hallet e tyre.”- shkruan Blushi.
Blushi shprehet gjithashtu se Meta gjithmonë do e vizitojë qytetin e vogël për ngjashmërinë që ka me Çorovodën.
“Presidenti Meta do ta vizitojë gjithmonë e më shpesh Librazhdin, për ngjashmërinë e madhe, që ka me Çorovodën, të dyja si krahët e pëllumbit buzë lumit.”- thotë Blushi.
Postim i plotë:
Kur “Miss Parlamenti” Tao Tao, mashtron Tao Taon!
Presidenti i Republikës Sh.T.Z Ilir Meta ka qenë sot në Librazhd, por i ftuar nga familje me tradita sportdashëse dhe të rinj të këtij qyteti, jo siç mashtron i dënuari për shpifje Tao Tao.
Presidenti Meta do të shkojë jo vetëm në Librazhd, por në të gjitha zonat e Shqipërisë ku qytetarët e revoltuar me shkeljet e Kushtetutës e kërkojnë për t’i shprehur shqetësimet dhe hallet e tyre.
Në çdo referendum, Librazhdi ka qenë në anën e duhur të historisë.
Me Kushtetutën ka qenë Librazhdi në vitin ’94, me Kushtetutën u bë në vitin ’98, me Kushtetutën do jetë edhe në 25 prill 2021.
Presidenti Meta do ta vizitojë gjithmonë e më shpesh Librazhdin, për ngjashmërinë e madhe, që ka me Çorovodën, të dyja si krahët e pëllumbit buzë lumit./Opinion.al
