Atë që s`e bën politika, e bëjnë spektaklet e bukurisë. Në ditët e sotme në rrjetet sociale qarkullon një foto ku flamuri shqiptar valëvitet krah atij serb nga dy vajza bukuroshe. Fotoja e shkrepur është mes Miss-it shqiptar Atalanta Kërçyku dhe Sanela Dejan, modele serbe në kompeticionin e organizuar në Bullgari, “Miss Grand Sea 2015”. Ky konkurs u fitua nga Atalanta mes shumë konkurentesh nga e gjithë Europa. Ajo shprehet se me vajzen serbe ka ndarë të njëjtën dhomë dhe ka lidhur një miqësi të fortë. Sipas Kërçykut, Sanela kishte shumë respekt për shqiptarët dhe se brezat e rinj nuk kanë pse vuajnë për politikën e së shkuarës. Atalanta shton se ajo ruan ende miqësi me Dejan dhe pse kanë pasur shumë paragjykime nga vendet tona. “Jemi të parët për të shtuar luftë, por ama të fundit për të bërë paqe” përfundon citimin e saj për opinion.al Kërçyku.
