Konkursi i bukurisë “Miss Globe” vjen për here të 11-t në Shqipëri këtë të premte, më 25 nëntor.
40 konkurrente nga e gjithë bota do të garojnë për kurorën e Miss Globe 2016. Ndërkohë që na ndajnë vetëm pak ditë nga ky eveniment janë zbuluar disa nga surprizat që janë organizuar për publikun.
Surpriza e parë është dyshja që do të bashkë prezantoj mbrëmjen. Deliart ka menduar që këtë vit Altin Hazizajt dhe Iva Meres të jenë dy prezantuesit e natës finale. Ai është një personazh që vjen nga shoqëria civile dhe media ndërsa ajo një bukuroshe e njohur tashmë në fushën e prezantimit.
Nuk mbeten pas as detajet e spektaklit të menduara për këtë vit. Kështu përveç spektaklit që do të japin vetë bukuroshet, një gërshetim i performancës artistike me hiret e më të bukurave të ardhura nga 5 kontinentet pritet të ndodhë në skenën e Miss Glob. Të ftuar speciale do të jenë Corona, Aleksandër Gjoka, Eranda Libohova, Redon Makashi, Evis Mula, Manjola Nallbani, Vesa Luma, Big Basta, Kastriot Tusha, Ramona Tullumani, Renis Gjoka, Classic Boys, pa harruar numrat artistikë të balerinëve që drejtohen nga koreografja Olta Ahmetaj.
Një mbrëmje që natyrisht premton të mbetet e paharrueshme dhe jo vetëm për pjesëmarrëset.
Mbrëmja do të kulmojë në momentin kur Miss Globe 2015, Ann Colis të dorëzojë kurorën e mbretëreshë vajzës që do të kurorëzohet në Tiranë.
