Audry Glover do të rikthehet në Shqipëri si kryevëzhguese e zgjedhjeve. Ambasadorja e OSBE do të drejtojë misionin vëzhgues për zgjedhjet e 30 qershorit.
Në vitin 2009, caktimi i saj nuk u prit mirë nga qeveria “Berisha”. Ky qëndrim erdhi pasi ishte Glover që hartoi raportin kritik të zgjedhjeve parlamentare të vitit 1996, të organizuara po nga mazhoranca e kryesuar nga Sali Berisha, asokohe president i Republikës.
Më 28 qershorit 2009, Glover, tashmë në krye të misionit të ODIHR, në raportin final “OSBE/ODIHR vlerësoi përputhjen e procesit zgjedhor me angazhimet ndaj OSBE-së, me standardet e tjera ndërkombëtare për zgjedhje demokratike.
“Zgjedhjet parlamentare të 28 qershorit 2009 shënuan një progres të prekshëm për sa i përket regjistrimit të votuesve dhe procesit të identifikimit, kuadrit ligjor të miratuar në mënyrë konsensuale nga dy partitë kryesore në vend, për sa i përket votimit, numërimit dhe gjykimit të konflikteve zgjedhore”, thuhet në raport.
Madje sipas OSBE-ODIHR, Shqipëria atë vit kishte potencial për zgjedhje edhe më të mira, teksa shprehet se, “Edhe pse përmbushën shumicën e angazhimeve ndaj OSBE-së, këto zgjedhje nuk realizuan plotësisht potencialin e Shqipërisë për t’iu përmbajtur standardeve më të larta për zgjedhje demokratike. / Opinion.al E.Xh.
