Një mision i Agjencisë Ndërkombëtare të Energjisë Atomike (IAEA) do të vizitojë termocentralin bërthamor të Zaporizhzhia në Ukrainë këtë javë. Lajmi është dhënë nga shefi i agjencisë Rafael Grossi.
“Ka ardhur dita, misioni i mbështetjes dhe ndihmës i IAEA për Zaporizhzhia (ISAMZ) tani është në rrugën e tij. Ne duhet të mbrojmë sigurinë e objektit më të madh bërthamor të Ukrainës dhe Evropës. Krenar që udhëheq këtë mision.”
E ndodhur nën kontrollin rus prej Marsit, por e drejtuar nga stafi ukrainas, uzina e Zaporizhzhia është kthyer në një pikë kryesore të konfliktit gjashtë mujor.
Të dyja palët akuzojnë njëra-tjetrën për bombardimet e fundit pranë objektit, gjë që ka shkaktuar frikën e një rrjedhje rrezatimi.
Gjatë fundjavës, banorëve aty pranë iu dorëzuan tableta jodi në rast se do të ndodhte rrjedhje.
Kombet e Bashkuara dhe Ukraina kanë bërë thirrje për tërheqjen e pajisjeve ushtarake dhe personelit nga uzina për të siguruar që ajo të mos jetë një objektiv.
The day has come, @IAEAorg‘s Support and Assistance Mission to #Zaporizhzhya (ISAMZ) is now on its way. We must protect the safety and security of #Ukraine’s and Europe’s biggest nuclear facility. Proud to lead this mission which will be in #ZNPP later this week. pic.twitter.com/tyVY7l4SrM
— Rafael MarianoGrossi (@rafaelmgrossi) August 29, 2022
