Ambasadori i OSBE në Tiranë, Bernd Borchardt është përgëzuar për prezantimin e raportimit të tij për Shqipërinë në Këshillin e OSBE në Vienë.
Në një letër të publikuar në faqen zyrtare të OSBE, zëvendës shefi i misionit të SHBA në OSBE, Harry Kamian nënvizon se ai bie dakord me ambasadorin Borchardt se lufta kundër korrupsionit është sfida kryesore me të cilën përballet Shqipëria sot.
“Ambasador, ne jemi dakord me deklaratën tuaj që lufta kundër korrupsionit mbetet një nga sfidat kryesore për Shqipërinë. Ne e vlerësojmë bashkëpunimin e Prezencës me institucionet shqiptare, autoritetet lokale dhe aktorët ndërkombëtarë për të ofruar trajnime dhe asistencë teknike për të mbështetur përpjekjet e Shqipërisë kundër korrupsionit. Shtetet e Bashkuara janë duke bërë pjesën e tyre, duke përfshirë kontributin në projektin jopublik të zyrës tuaj për të krijuar një program master për kriminologji në Universitetin e Tiranës”
Përfaqësuesi i SHBA përgëzon Prezencën e OSBE për rolin e saj në implementimin e Reformës në Drejtësi dhe e quan atë si thelbësore për përparimin demokratik të Shqipërisë. Aty përmendet gjithashtu Gjykata Kushtetuese, plotësimi i vakancave të së cilës shihet me sy të mirë por theksohet se është e rëndësishme plotësimi i kuorumit në mënyrë që ajo të jetë në gjendje të shqyrtojë çështje.
“Reforma në drejtësi është thelbësore për përparimin demokratik të Shqipërisë dhe krijon një bazë të fortë nga e cila Shqipëria mund të nxisë qeverisjen e mirë, të luftojë ekstremizmin e dhunshëm dhe të luftojë korrupsionin, krimin e organizuar dhe trafikun e drogës. Shtetet e Bashkuara ishin të kënaqura kur dëgjuan përparimin në emërimin e gjyqtarëve në Gjykatën Kushtetuese të Shqipërisë, një hap pozitiv në rikthimin në funksion të Gjykatës Kushtetuese. Megjithatë mbetet ende punë për të arritur kuorumin e nevojshëm për të gjykuar çështjet. Ne e vlerësojmë punën e Prezencës për të rritur efektivitetin dhe efikasitetin e Këshillit të Lartë Gjyqësor dhe Këshillit të Lartë të Prokurorisë përmes mbështetjes teknike dhe nxitjes së bashkëpunimit rajonal. Ne i bëjmë thirrje Prezencës të ndihmojë Shqipërinë të zbatojë reforma shtesë.”
Sa i përket Reformës Zgjedhore, përpjekjet e OSBE për të nxitur Komisionin e Posaçëm Parlamentar në adaptimin e rekomandimeve të ODHIR janë përgëzuar nga Shtetet e Bashkuara të Amerikës.
“Shtetet e Bashkuara besojnë se Prezenca ka një mundësi unike për të bashkuar politikanë dhe liderë në Shqipëri për të arritur një reformë të rëndësishme zgjedhore. Ne jemi të kënaqur që Komisioni parlamentar ad hoc për Reformën Zgjedhore ka tërhequr rekomandimet e ODIHR-së ndërsa kërkon të përmirësojë sistemin zgjedhor.” /Opinion.al
Opening of #EU accession negotiations w/#Albania is key for region’s Euro-Atlantic integration & US appreciates that @OSCEinAlbania advocated for policies & practices that uphold the democratic principles that bind the Transatlantic community. https://t.co/ZZpvallN9l
— U.S. Mission to OSCE (@usosce) November 21, 2019
